საბავშვო ლექსები

დედაზე ლექსი 3 მარტისთვის

ლამაზი ფრაზები და გამონათქვამები დედაზე

დედაზე ლექსი 3 მარტისთვის – 3 მარტს საქართველოში დედის დღე აღინიშნება.

ამ დღესთან დაკავშირებით სკოლისა და საბავშვო ბაღის მასწავლებლები ღონისძიებებს გეგმავენ და ბავშვებს ლექსებსა და სიმღერებს ასწავლიან.

ჩვეგთავაზობთ ლექსებს, რომლებიც შეგიძლიათ, დედის დღისთვის გამოიყენოთ.

მუხრან მაჭავარიანი – დედა

ნოდარ დუმბაძის ლექსები


ლექსები დედაზე

დედაზე ლექსი 3 მარტისთვის

დედაზე ლექსი 3 მარტისთვის

გაზაფხული

გაიღვიძა ციცქნა იამ, შეისწორა ბაფთა.
ენძელას კი ჩაუცვია თეთრი, ნაზი კაბა,
ყოჩივარდამ გადაისვა ვარდისფერი პუდრი,
სურნელებამ გააბრუა ,ნაზ პეპლების გუნდი...
გაპრანჭულან სათითაოდ,
დიდი ჟრიამული აქვთ,
გვირილებს ელოდებიან,
თითქოს სადღაც მიდიან.
აი მერცხალიც გამოჩნდა,
ნისკარტით აქვს ბარათი:
„დედის დღეა“ გილოცავთო,
გამალებით დაგვძახის.

ნონა ბეჟანიშვილი
 
 
 

ხელისგულზე

- შენ მაჩუქე მზე და მთვარე,
ვარსკვლავებიც ზედა!
სულ აკვანზე დამიყარე,
საყვარელო დედა.

ყანა, წყარო, ლურჯი მთები, -
რასაც თვალით ვხედავ,
მთელ სამშობლოდ მომიძღვენი,
საყვარელო დედა.

ხელისგულზე ერბო-ვერცხი
ვინ შეიწვას ნეტავ,
შენს ამაგს ვინ გადაიხდის,
საყვარელო დედა.

მაყვალა მრევლიშვილი

 

 

დედის ბედნიერება

შვილები თუ მღერიან,

დედა ბედნიერია.

თუ ფერხულსაც უვლიან,

დედა მხიარულია.

თუ კარგადაც სწავლობენ

და კარგადაც შრომობენ,

რომ სამშობლოს ერთგულად

ემსახურონ ბოლომდე.მაშინ დედის კეთილ გულს

დარდიც ვეღარ ერევა, -

ჩვენი კარგად ყოფნაა

დედის ბედნიერება!

მორის ფოცხიშვილი

 

 

დედას

დედი, დედი, დედა
სულ მინდოდა მეთქვა:
ჩემი სიცოცხლე ხარ,
ჩემი გულის ფეთქვა!

ნათია აბულაძე

 

დედა

შენი ჩახუტება ყველაზე ტკბილია,
არ მიყვარს, როცა ვერ გხედავ,
შენი გულისტკენაც თითქოს ადვილია,
მინდა მომეფერო დედა.

დღედაღამ ფუსფუსებ, დღედაღამ მხარს მიჭერ,
როგორ არ იღლები ნეტა,
დარდსა და საფიქრალს ახლოს არ მაკარებ,
ჩემო საყვარელო დედა.

რაც მეტი დრო გადის, სულ უფრო მჭირდები,
სულ უფრო მეტად და მეტად,
შენი ჩახუტება ყველაზე ტკბილია,
მინდა დიდხანს მყავდე, დედა.

ნატალია ნადირაშვილი

 

დედა

დედის ხმაზე უფრო ტკბილი,

ხმა არც მწამს, არც მეგულება;

დედის გულზე უფრო ცხელი,

გული არსად მეგულება;

დედის სულზე უფრო სუფთა

სული არსად მეგულება;

დედის თვალზე უფრო სათნო,

თვალი არსად მეგულება.

დედა არის სიყვარული,

სიცოცხლე და ერთგულება!...

ავთანდილ მეგრელიშვილი

 

 

დედა

- იცი ქვეყნად რა არის
თაფლზე უფრო ტკბილი?
- კოცნა და ჩახუტება
დედიკოს და შვილის.

- და თუ იცი წამალი
ყველაფერს რომ შველის?
- დედის კოცნა ნატკენზე,
ტირილით რომ ველით.

- ყველა შეკითხვის დასმას
სხვასთან თუ ვერ ვბედავთ,
პასუხს ვინ არ იზარებს?
- რა თქმა უნდა, დედა!!!

სოფო გასიტაშვილი

 

 

დედი...

დედი, ჩემო საყვარელო,
კეთილო და ენამზე,
მშვენიერო, სანატრელო,
გლოცავ, ყველა ენაზე!

დედი, ჩემო ტკბილზე ტკბილო,
სხივნათელო, მზეთამზე,
დედოფალო, თბილზე თბილო,
საამაყო ყველაზე!

ნათია აბულაძე

 

 

დედიკონა

თუ როდისმე გაწყენინე
ახლა ვითხოვ პატიებას.
შენ შვილს ცუდი საქციელი
ვიცი, არ მეპატიება.
დღე და ღამე მარიგებ და
მუდამ ჩემზე დარდიანობ.
მასწავლი , რომ „კარგი შვილი
დედის გულის ვარდიაო“
მსურს დავკრიფო ია- ვარდი,
სიყვარულით შევკრა კონა.
პირობას ვდებ: ვისწავლი და
გასახელებ დედიკონა.

ხათუნა გულიაშვილი

 

 

დედა

როს „არას“ ნაცვლად - ამბობდი „ალას“,

როცა შენს ხმაში აპრილი ჟღერდა;

ხსოვნაში ტკბილად ჩარჩენილ „ნანას“ -

ვინ გიმღეროდა?!

- მშობელი დედა.


ეზოში როცა იტკენდი რამეს, -

ვინ გაჩნდებოდა იმ წუთში შენთან?!

შენი გულისთვის უძილო ღამეს

ვინ ათენებდა?! 

- მშობელი დედა.


ახლა, - ხელში რომ გიჭირავს წიგნი, -

შენს სიცოცხლეში იმედს ვინ ჰხედავს?!

შენს მომავალზე დღედაღამ ფიქრით

ვინ ვერ ისვენებს?!

- მშობელი დედა.


ამ ქვეყანაზე შენი სიკარგე

ვის უხარია ყველაზე მეტად?!

ყველაზე უფრო, - თუკი ივარგებ, - 

ვინ იამაყებს?!

- მშობელი დედა

მუხრან მაჭავარიანი

 


კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *