საბავშვო გამოცანები

საბავშვო სახალისო გამოცანები

სახალისო გამოცანები ბავშვებისთვის

საბავშვო სახალისო გამოცანები. საბავშვო გამოცანები.

სახალისო მათემატიკა დაეხმარებათ ბავშვებს უფრო მეტი ხალისით შეასრულონ დავალებები.

მარტივი გამოცანები ბავშვებისთვის


***

ცხოველების მეფე არის,

სიდიადით არ ჰყავს სწორი,

მისი ყველას ეშინია,

მიხვდით, ვინ ყოფილა? ……..

***

ეს ფრინველი მინდვრად ბუდობს,

არ აკლია თურმე მტერი,

ხორბლის ყანებს ეტანება,

დინჯად დაგოგმანებს……

***

უყვარს თხილი და კაკალი,

ქამა სოკო, არყა, ნიყვი,

ხიდან ხეზე დაფრიალებს

კუდბუთქუნა, გამრჯე……

***

ზურგზე ორი ბორცვი ადევს,

უფრო სწორად, ბორცვაკი,

დედიკო ჰყავს აქლემი და

თავად ჰქვია……

***

თვალწარმტაცი ყვავილია,

ვერას აკლებს ეკალ-ბარდი,

თავბრუდამხვევ სურნელს აფრქვევს

ყვავილების მეფე ……..

***

ტყის სანიტარს ეძახიან,

ხშირად არის ულმობელი,

სულ საკბილოს ძებნაშია,

სერზე მიძუნძულებს ……

***

მიწაში აგებს გვირაბებს,

ყველაფერს ხედავს, თუმც ბნელა.

ის დღე და ღამე მუშაობს,

მიხვდით რა ჰქვია? – …….

***

დილიდანვე იმდენს ჩხავის,

ირგვლივ ყველა დაღალა,

ეფერება დედა ყვავი,

რა ქნას, უყვარს……

**

მის გემრიელ ნაშრომ-ნაჯაფს

არ ელევა მუშტარი,

ყვავილების ნექტარიდან

თაფლს გვიმზადებს ……

*****

დიდია და ვებერთელა,

სულ ცოტა ათასი კილო,

ცხვირის ნაცვლად ხორთუმი აქვს,

ვინ მეტყვის,რა ჰქვია? …..

სახალისო მათემატიკა

*****

ხის ტოტებში შეყუჟულა

7 ცალი იადონი,

ბულბულებთან საქმე გვაქვსო,

მალევე გაფრინდა 2.

არ გასულა დიდი ხანი,

დაემატათ ისევ 7,

გააგრძელეს საუბარი

შეხმატკბილებული, მშვიდი.

შეგიძლია დაითვალო,

რამდენია ხეზე ჩიტი?

*****

7 კალამს თუ დავუმატებთ,

გაივსება მთელი ყუთი,

სულ 12 თუ ეტევა,

ახლა რამდენი დევს? – ………..

*****

ჩემს თოჯინებს შევუკერე

8 კაბა და 6 ბაფთა,

საჩუქრები რომ მივართვი,

თითქოს ყველას გაუხარდა,

მაგრამ ბაფთები არ ეყოთ,

რაღაც შემეშალა მგონი,

რამდენი ბაფთა დამაკლდა,

აბა, ვინ მიხვდება? – ……..

*****

ნაწვიმარზე დატანტალებს

ხუთი ცალი იხვის ჭუკი,

”თქვენთან ყოფნა ჩვენც გვინდაო”-

კიდევ მოტანტალდა ხუთი.

თან გუბეებით ტკბებიან,

თან გააბეს მასლაათი.

შეგიძლია დამითვალო,

რამდენი ჭუკია? ………..

*****

მამიკომ ლიზის უყიდა

ფერად-ფერადი ბუშტები,

8 – თეთრი, 7 – წითელი

სულ რამდენია? ……….

*****

ბაღში ტკბილად ჭუკჭუკებენ

8 ვარდი და 10 ია,

შეგიძლია დამითვალო,

სულ რამდენი ყვავილია?

*****

აკვარიუმი სავსეა

ფერად-ფერადი თევზებით,

რვა – ოქროსფერი, რვაც – ჭრელი,

სულ რამდენია? —————-

*****

ფრენით დაღლილი მერცხლები

სადენებზე ჩამოსკუპდნენ,

დასვენება ვინ აცალათ,

ქორმა ჩაიქროლა უცებ.

თერთმეტიდან თერთმეტივე

იქვე არის დამალული,

მაშ რამდენი გაფრენილა?

აბა, დამითვალე …..

ავტორი: ნატალია ნადირაშვილი

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *